Алматылық туристің корей жертөлесіндегі ауыр күндері

Оңтүстік Кореяға саяхат жасаған Қазақстан тұрғынын әуежайда күштеп ұстаған. Бұл туралы Алматы арнасы хабарлайды.

Досбол Сауранбаевты өз базынасын жасырып қалған жоқ. Оңтүстік Корея өкілдері ештеңе түсіндірместен, екі күн бойы бір топ қазақстандықтарды ұстаған. Ал сыртқы істер министрлігі мұны қауіпсіздік шараларын күшейтумен байланыстырып отыр.

«Полиция ма, күзетшілері ме, әйтеуір қызметкерлері келіп алып кетті. Содан бізді бір комнатаға апарып, тағы да сұрады.  Сосын бізге аудармашы алып келді. Біз оған барлығын түсіндірдік, не үшін келгенімізді. Қанша ақшамыз бар екенін сұрады. Соның бәріне жауап бердік»,- деді Досбол Сауранбаев.

Бір апталық саяхат 2 күнге ғана созылған. 19-шы қарашада барған алматылық турист өзінен басқа тағы 8 қазақстандықтың «жертөледе» болғанын айтады. Осы уақыт аралығында Досбол жүгінген туристік агенттік онымен байланысты үзбеген екен.

«Біздің менеджеріміз Досболмен байланысып отырды. Корейдегі елшілікке де хабарласуға тырыстық. Тұтынушымызды әуежайда ұстау себебі, қонақүй әкімшілігі бронның болғанын растамаған. Ал бізбен хабарласқанда туристі күтіп отырғанын айтқан борлатын. Қазір бұл мәселені шештік. Ол қонақ үй төленген қаржының 50 пайызын, біз қалған бөлігін төлеуге келістік»,- деді «Kupitur» Туристік агенттігінің директоры, Мадина Құдайбергенқызы.

Ал еліміздің сыртқы істер министрлігі Оңтүстік Корея елінде болу ережесін ведомствоның ресми сайтында көрсетілгенін айтады. Мұндай оқиға ол жақтағы қауіпсіздік шарасын күшейтумен байланысты.

nur.kz