Алматыда оқушы қыздардың төбелескен видеосы таралды

Желіде оқушы қыздар арасындағы төбелесінің видеосы тарап кетті. Бұны желі қолданушылары талқылауда. Бұл туралы Stan.kz  EGOV.PRESS Telegram арнасына сілтеме жасап хабарлады.

Facebook желісінде Акма Басирова бұл видеоға “Алматының білім басқармалары мұны біледі ме? Не болып кетті?”,- деп жазды.

Оқиғаға байланысты полиция басқармасы пікір білдірді.

“»Егов Пресс» парақшасында белгісіз тұлғалар, бір қызды жерге жатқызып әлімжеттік көрсетіп жатқан бейнежазба жариялады. Аталған оқиғаны тексеру барысында 04.01.2023 жылы Алатау ауданы Ұлжан 1 ықшам ауданы Бозарал көшесінің бойында орын алғандығы анықталды. Оқиғаға қатысты тұлғалар кәмелетке толмаған 15 жастағы Ж, 15 жастағы А, 15 жастағы Д , есімді кәмелетке толмағандар Алатау аудандық полиция басқармасына жеткізіліп, түсіндірме жұмыстары жүргізілді. Заңды өкілдеріне ҚР ӘҚБтК-нің 127 , 435 баптары бойынша әкімшілік хаттама толтырылып, заңды шаралар қолданылды”,- деді ведомства.