Алматыда мектептен оқушылар шұғыл эвакуацияланды (Видео)

Алматы орталығындағы мектептен оқушылар шұғыл эвакуацияланды, — деп хабарлайды Tengrinews.kz.

Алматы қалалық Полиция департаментінің мәліметінше, бүгін түскі сағат 12:00 шамасында жедел басқару орталығына білім ордасына жарылғыш зат қойылғаны туралы хабарлама түскен.

 

Посмотреть эту публикацию в Instagram

 

Публикация от Kris P Brothers Almaty (@kris__p__almaty)

«Қаланың жедел және төтенше жағдайлар қызметтері алғашқы ден қою шаралары аясында білім мекемесінде тексеру жүргізді. Оқушылар мен ұстаздар эвакуацияланды», — делінген хабарламада.

Белгілі болғандай, мектеп ғимаратын тексеру кезінде жарылыс құрылғылары табылмаған. Білім мекемесі штаттық режимде жұмыс істеп тұр.

«Қазір полиция мектепке жарылғыш зат қойылғаны туралы жалған хабар таратқан адамды анықтап жатыр. Ол қылмыстық жауапқа тартылады»,- делінген жазбада.