Алимент орнына күйеуін қайтарды

Өскеменде алимент қайтаруды талап еткен әйелдер, күйеуімен қайта табысуда. Бұл туралы қалалық жеке сот орындау қызметкерлеріне сілтеме жасап, ratel.kz хабарлайды. Жеке сот орындау қызметкері Жанар Мәдиева бірнеше жыл бұрын ажырасқан отбасын қайта қосты. Ж.Мәдиеваның айтуынша борышкерлердің кірісін тексеруден бөлек, олармен кеңінен әңгіме жүргізіледі. Осындай сәтте бір — бірін қайта түсініп қосылатындары да бар екен. Соңғы төрт айда Өскемен қаласы бойынша 50-ден аса отбасы қайта қосылған. Кейбіреуі жаңа өмір бастауға енді бел бууда екен. Қазіргі таңда Шығыс Қазақстан бойынша 3 мыңнан астам әке алимент төлеуден қашып жүр. Сондықтан әлі де болса іздестіріліп, тіпті есеп шоттары бұғатталатын болады — дейді сот орындаушылары.