Әлихан Смайылов: «Мектептегі қауіпсіздікті күшейту керек»

Үкімет отырысында Петропавл қаласындағы мектепте болған оқыс оқиға талқыланды. Үкімет басшысы Әлихан Смайылов аталған оқиғаның келешекте қайталанбауы үшін бірнеше министрлікке тапсырма берді.

Премьер-Министр осыған қатысты: «Бұл өте қауіпті жағдай. Халықтың арасында үлкен алаңдаушылық тудырды. Балалардың қауіпсіздігіне алаңдамайтын отбасы жоқ. Мектептің ішінде де қауіп барын көріп отырмыз. Сондықтан бұл мәселені қайта қарап, оқу орындарында тексеру жүргізу қажет», — деді

Ол бейнекамера санын көбейтіп, мектепке кіреберіс жерлерде бақылауды күшейту мәселесін қарау керектігін ескертті.

«Ішкі істер министрлігі келісілген ұсыныстарды енгізсін. Денсаулық сақтау министрлігі зардап шеккен балаларды емдеуді ерекше бақылауға алсын. Оқу-ағарту министрлігі ішкі істер және төтенше жағдайлар министрліктерімен бірлесіп, қауіпсіздік сабақтарын әзірлеуі қажет. Балалар түрлі жағдайда өздерін қалай ұстау керектігін нақты білуі тиіс», — деді Үкімет басшысы.

JQ-Aqparat