Әлихан Смайылов: Айтып келетін апатқа жол бермеу керек!

Премьер-Министр Әлихан Смайылов оңтүстік өңірдің әкімдіктері көктемгі су тасқынына қарсы жұмыстарды күшейтуі керек екенін ескертті.

«Су тасқыны кезеңінің басталуына аз ғана уақыт қалды. Қазірдің өзінде 255 елді мекен, 100 мыңнан астам үй қауіпті аймақта тұр. Ең бастысы – мұндағы халықтың жағдайына алаңдауымыз керек. Биыл қыс қарлы болды. Күн күрт жылынып кетсе, су басу қаупі күшейеді», — деді Үкімет басшысы.

Ақтөбе және Алматы облыстарында қазірдің өзінде елді-мекендердің көшелерін су басып жатқаны туралы дерек бар.

Ауа-райы болжамына сәйкес, алдымыздағы ақпан айында оңтүстікте ауа температурасы мен жауын-шашын нормадан жоғары болуы мүмкін. Бұл – айтып келетін апаттың нағыз өзі. Сондықтан, оңтүстік өңір әкімдіктері осы бастан су тасқынына қарсы жұмыстарды күшейтулері керек», — деді Әлихан Смайылов.

JQ-Aqparat