«Алагөзова ханымның қатысы жоқ». Досаев жолдың жоспарға сай жөнделіп жатқанын айтты

Кеше Алматының бас көшесін жөндеу үшін Алагөзова болу керек пе деп жазған едік, бүгін Ерболат Досаев Бостандық ауданы тұрғындарымен кездесуде осыған қатысты түсінік берді.

Bes.media тілшісінің сауалына әкім былай деп жауап берді:

«Қалада ағымдағы жөндеу жұмыстары мен аты-шулы люктермен байланысты түйткілдер жоспарлы түрде шешімін табуда. Шын мәнінде Алагөзова ханымның сынынан емес, әрине, ол да жылдамдатуға түрткі болды. Бірақ Медеу ауданы әкімдігінің жоспарлы жұмысы бар, қаржы бөлінген. Қала ішіндегі жұмыстар жалғасады. Біз түсіп кетпейтін люктер қойып жатырмыз. Бұл жұмыс 2026 жылға дейін созылады».

Сөзінің соңында Ерболат Досаев тұрғындардың шағымы жерде қалмайтынын айтты.

JQ-Aqparat

Сурет: Алматы әкімдігінің баспасөз қызметі