Ала құлан адамға шабуыл жасады (видео)

Қытайдың Гуанчжоу қаласындағы хайуанаттар бағында түсірілген жантүршігерлік видео желіге салынды. Оқиға хайуанаттар бағына қыдыра келген жұртшылықтың көзінше болған, деп хабарлайды Baq.kz.

Видеода көрсетілгендей, көрермендер жануарларды үлкен экраннан тамашалап тұрады. Кенет ашулы зебра хайуанаттар бағы қызметкеріне тарпа бас салып, қолынан тістеп, сүйрелей жөнеледі. Зообақ күзетшілері зардап шегушіге көмекке ұмтылып, қолдарындағы таяқпен зебраны жасқап, әріптестерін арашаламақ болады. Бірақ, ызалы жануар бой бермей, бұталардың арасына қарай тығылады.

Осындай оқиға үш күн бұрын Қытайдың тағы бір хайуанаттар бағында болған екен. Онда торға жақын тұрған адам арыстандардың шабуылына ұшыраған.

https://www.youtube.com/watch?v=4Ftp_NfEdbI&feature=youtu.be