Ақбөкен атқандардың залалы – бір миллиард теңге

25 ақпан 2023, 15:14

Маңғыстау облысында ақбөкендерді аулап, мүйізін өткізіп жүрген күдіктелір ұсталды. Ұлттық қауіпсіздік комитеті мен прокуратура органдарының мамандары бірлесіп жүргізген арнайы операция кезінде бұрын сотты болған екі күдікті құрықталды. Олар ақбөкен мүйізінің ірі партиясын саудалау кезінде құрықталған. Мемлекетке 1 миллиард теңгеден аса залал келтіргендерден ақбөкендердің таралуына айтарлықтай зиянын тигізгенін дәлелдейтін айғақтар да табылды. Сотқа дейінгі тергеу барысында ҚР Қылмыстық кодексінің 339-бабы 3-бөлігі, 2-тармағы бойынша заңға қайшы келетін әрекеттің өзге де қатысушыларын анықтау мақсатында кешенді іс-шаралар қолға алынды.