Қайрат Нұртас өзін Димашпен салыстыратындарға жауап берді

Қайрат Нұртас өзін өзге отандық әншілермен, әріптестерімен, Димашпен салыстыратын жандарға реншіні білдіріп, пікірін білдірді.

«Қазір сұмдық болып кетті ғой. Өз өзіне пиар жасау үшін телеарналар айтпаған сөзді айтты деп, әдемілеп монтаждап жасап алады. Сондықтан қазір сөйлеуге де қорқатын болдық. Мен қазір ешкімге интервью бермеймін. Оны бермегеніме 3-4 жыл болды. Бере алмаймын деймін де, сытылып кетемін», — деді ол.

Сонымен бірге ол әншілердің өзара салыстырып қоятындарға да жауап берді.

«Жарайды мені салыстырсын шетелдің әншілерімен. Бірақ қазақпен қазақты салыстырып, араларына от салып, халыққа масқара қылып, ашты сөйлейді. Солар мені күйдіріп барады. Одан менің ештеңем кетпейді. Оны айтқан адам өзіне-өзі күнә артып алады. Мені кіммен салыстырмады? Мейрамбек ағамен, Ернар Айдар, Төреғалимен де салыстырды. «Ой сен қалып кеттің, болды», — деді.

Кеше Димаш бауырымызбен салыстырып жатыр. Әр қазақ шыға берсін. Оған қуанамын. Ал енді олар келеді де, бір-бірімізбен қарсы адам секілді көрсетіп қояды. Біз бәріміз өнерде бірге жүрген адамдармыз. Димаш — менің інім.

Бір-бірімізді жақсы көріп, «аға аға» деп жүреді. Қаншама үлкен сахналарда болдық. Төреш, Ернармен бірге жүрміз. Мейрамбек ағаны да қалай жақсы көремін. Одан қаншама нәрсе үйрендік. Қаншама әдемі мінездерін үлгі еттім. Болмайды ғой олай», — деп ренжіді ол.

NUR.KZ