Айнұр Тұрсынбаева: Әйелі сыйламаған еркектің ешкімге сыйы болмайды…

Айтыскер әрі рухани психологАйнұр Тұрсынбаева қыз- келіншектерге арнап әлеуметтік желіде жазба қалдырды. Ол:«Әйелдің ішкі жан дүниесі қандай болса өмірі де сондай болмақ… Егер ер-азаматына деген ішкі құрметі, махаббаты мықты болса отбасының қарым-қатынасы да мықты болады.. Біз сырттай құрметтеп, қызмет көрсетіп барынша тырысамыз. Бірақ іштей сенбейміз… Немесе көп қылықтарын қабылдай алмаймыз… Қанша жерден асты-үстіне түссек те ішімізде реніш пен тәкаппарлық көп болса отбасының діңгегі әлсіреп кетеді… Яғни сыртымызды жылтырата бермей жан-дүниеміздің байлығына көп мән беріп, ішкі қуатымызды арттыру үшін көп оқып, дамуымыз керек.. Әйелдің ішкі сенімі мен сезімі ұрып тұрса, еркек ешқайда кетпейді… Ішкі тегеуріні мықты әйел азаматын өзі ғана сыйлап қоймай, басқалардың да құрметін арттырады! Яғни әйелі сыйламаған еркектің ешкімге сыйы болмайды… Ол үйдің балалары да жасықтықпен жалтақтап өседі… Еркек бар болсын, жоқ болсын баланың әкесіне деген құрметінен өзіне деген құрметі басталады! Еркек құрмет көрген үйдің ұлы қай жерде де өзін патшадай сезіне алады…
Көп жағдайда еркектен махаббатты талап етеміз. Шындығында махаббат қолдан жасалатын немесе сұрап алатын зат емес… Махаббат оянады… Махаббат аадмның ішкі қуатын сезінгенде пайда болатын сезім.. Ешқандай еркек әйелдің фигурасына, біліміне, шашына, байлығына қызығып үйленбейді! Сіздің жан дүниеңіз қандай болса соған сай адамды Алла кезіктіреді! Сізге деген махаббаты Алла жүрекке салады.. Оны өшірмеу үшін не істеуіміз керек?!»- деп, көпшілікке ой тастады.

JQ-Aqparat