Дәстүрлі әнші Айгүл Қосанова қазақы дәстүрді насихаттау керектігін айтты. Отандық бағдарламаның бірінде өнер иесі дәстүрлі әншілердің тек мерекелік шарада ғана өнер көрсететініне қынжылды.
«Дәстүрлі әншілер тек қана наурызда керек сияқты. Қазақтың мерекесінде ғана керек сияқтымыз. Күнделікті өмірде бізді аса қажет етпейтін сияқты. Шәкірттеріммен сөйлесіп отырсам, біреуі «Қазір бәрі шоуды қалайды. Бірақ бәріміз шоуды қуып кетсек, дәстүрімізді ұстайтын адам қалмай қалады» дейді. Сондықтан да біздің алдымызда отырған шәкірттеріміз біздің дәстүрлі ән өнерін сақтап отыр. Бұрын біз оқыған уақытта, бір жылда 4-5 бала ғана бітіріп шығатын. Ал қазір жиырма балаға дейін бітіреді. Бірақ жиырма баланың бәріне жұмыс табылмайды. Ол жағынан кішкене қиын болып жатыр. Енді «көш жүре түзеледі» дейді ғой. Өз елімізде өз дәстүрімізді дәріптемесек, басқа елде біздің әніміз де жырымыз да керек емес», — деді өнер иесі.
JQ-Aqparat
WhatsApp: +7 705 717 9113
