Айдана Меденова: Үнемі біреуге шағымданып, «анау жоқ, мынау жоқ» деп ештеңеге көңілі толмай жүретін адамдар бар

15 наурыз 2023, 11:03

Әнші Айдана Меденова көкейіндегі ойымен инстаграм желісінде бөлісті.
Ол: « Шынымды айтсам, ешбір жұмысты қиналып істеп көрмеппін. Әрдайым жаныма жақын іспен ғана айналысам.

Үнемі біреуге шағымданып, «анау жоқ, мынау жоқ» деп ештеңеге көңілі толмай жүретін адамдар бар. Ал кейбір адамдар өзінің жақсы қырын дамытып, ештеңеге қарамай мақсатына жетеді.
Адамның жасағанын адам жасайды. Ешкім ешкімнен артық немесе кем емес. Бәрімізді Алла тең етіп жаратқан. Айналамыздағы еңбекқор адамдарды көріп, оларға іштей құрметім арта түседі. Шүкір, табыстары көбейе берсін. Кейбіреулер «танымал адамдардың жолы болған не олардың әке-шешесі бай, сайрандап жүргені содан» деп ойлайды. Шын мәнінде, бұл алға баспайтын адамдардың керемет сылтауы. Әр адам – өз әрекеті мен еңбегінің айнасы. Қазіргі ісің – ертеңгі болашағың. Талпынсақ, қолымыздан бәрі келеді. Соған сенейік деген оңашадағы ойымды парақшама жазып қояйын. Сөзіммен келісесіз бе?»,-деп оқырмандарына ой тастады.