Адам қағып өлтіріп ізін жасырған

Алматыда 19 тамызға қараған түні Райымбек даңғылында жол-көлік оқиғасы болды.

Шамамен Volkswagen Golf автокөлігінің иесі №7 аурухана маңында ер адамды қағып кетіп, жасырынып қалған. Ал көлік астына түскен азамат мерт болды.

Куәгерлердің сөзіне сүйенсек, мас жаяу жүргінші тыйым салынған жерден жолдан өтпекші болған. Қағып кеткеннен кейін көлік иесі тоқтамаған. Қазіргі таңда Алматы қаласы жол полиция басқармасы оны іздестіріп жатыр.

Жаяу жүргіншінің алкогольді ішімдік ішкенін оның ағасы растап отыр. Оның сөзінше, қайғылы оқиғадан бұрын бауыры екеуі бірге ішімдік ішкен.

Stan.kz