Қабатовтың келіншегі: Күйеуімді тоқалмен бөліспеймін

Мөлдір Мұқанова отандық бағдарламалардың бірінде күйеуін ешбір тоқалмен бөліспейтінін айтты.

Бұл туралы 31 арнаның “Ұят емес” бағдарламасында айтылды.

Бағдарлама барысында Мөлдір ханымға “Тұрсынбектің тоқал алуына келісесіз бе?” деген сұрақ қойылды. Ол өз кезегінде еш ойланбастан, мұндайға көнбейтінін айтты.

“Жоқ! Мен қарсы боламын. Дайын, күшті, сүйкімді күйеуімді ешкіммен бөліскім келмейді. Кешіріңіздер, жоқ. Мен қызғаншақпын. Тұрсынбек маған олай айтпайды. Жеке өзім ондайға көне алмайтын адаммын. Көнбеймін де”, – дейді Мөлдір Мұқанова.

Мұнымен қатар, Қабатовтың келіншегі күйеуінен алған ең қымбат сыйлық туралы айтып берді. Өткен жылдың қаңтар айында әзілқой оған су жаңа көлік сыйлаған екен.

“Ең қымбат жасаған сыйлығы – Lexus салонынан алынған көлік. 2016 жылдың қаңтар айында әдемілеп тұрып алып барды. Бірақ алдын ала осындай көлік алайық деген секілді келістік. Өзім көп ақша жұмсатқым келмегендіктен, бастапқыда қарсылық білдірдім. Кейін ортақ шешімге келіп, жаңа көліп сыйлады”, – дейді Мөлдір ханым.

stan.kz