Полицияға шабуыл жасады

16 мамыр 2019, 14:57

Ирактың Киркук провинциясында ауқымды террорлық операциялар жүріп жатыр. Бұл туралы Түркияның «Анадолу» ақпарат агенттігі Ирак бұқаралық ақпарат құралдарына сілтеме жасай отырып хабарлады.

ДАИШ лаңкестері Ирактың солтүстігіндегі Киркук провинциясында полиция қызметкерлеріне екі рет шабуылдаған. Соның салдарынан құқық қорғау органдарының алты қызметкері жан тапсырды. Генерал Саад Харбия «Анадолу» агенттігіне берген сұхбатында Киркуктің оңтүстігіндегі Рияд кентінің маңында төрт, Телсус кентіндегі шабуыл кезінде екі полиция оққа ұшқан.
2014 жылы ДАИШ лаңкестік ұйымы Ирак аумағының үштен бір бөлігін бақылауда ұстаған еді. Ал 2017 жылы Ирак қауіпсіздік күштері қантөгістен көз ашпаған аймақтың бір бөлігін азат етті.

Дайындаған Ахмет Атак