Елбасы Путинге көңіл айтты

26 наурыз 2018, 12:19

Нұрсұлтан Назарбаев Кемеревте болған қайғылы оқиғаға байланысты Ресей Федерациясының президенті Владимир Путинге көңіл айту жеделхатын жолдады.

Tengrinews.kz хабарлағандай, Қазақстан Президенті Кемеров қаласындағы сауда орталығында шыққан өрт салдарынан адамдардың қаза болғаны туралы хабарды зор күйзеліспен қабылдады», — делінген жеделхатта. Соңғы мәліметтерге қарағанда, өрт салдарынан зардап шеккендердің саны 48 адамға жетті. Олардың 12-сі — ауруханада. Екеуі ауыр жағдайда жатыр. Сондай-ақ, 9 баланың қаза болғаны айтылады. Еске сала кетейік, осыған дейін төтенше жағдайдан кейін 64 адамның жоғалып кеткені, олардың 41-і балалар екені хабарланған еді.