Алматыда қар жауды

30 сәуiр 2017, 16:54

Оңтүстік астанада табиғаттың тосын сыйлары таусылар емес. Еріген қар суларынан болған су тасқыны аяқталғандай еді, бірақ табиғаттың тағы бір тосын сыйы бар екен. Бүгін 14:00-ден бастап, қаланың әр бөлігінде қар жауа бастады.

Таулы аудандарда бұл уақытта қардың болуы қалыпты жағдай, бірақ қаланың солтүстік бөлігі үшін қардың жаңалық болғаны рас. Дегенмен, жауған қардың барлығы еріп, қала көшелерінде шалшықтар пайда болды.

Еске сала кетсек, ТЖ департаментінің хабарлауынша, 27-29 сәуір күндері Алматы ТЖД «112» кезекші қызметіне қалалықтардан 81 шағым келіп түскен. Толассыз жауыннан 23 жеке үйді, 48 ауланы және 10 көшені су басып қалған. Тасқын су салдарын жоюға 540 адам мен 68 дана техника жұмылдырылды.