Қорқақ ұры ұсталды (видео)

Қытайда жанар-жағармай бекетінде қол сөмке ұрлаған адам санаулы секундта ұсталып қалды. Бұл туралы baq.kz хабарлады.

Ұрының әрекеті бейнебақылау камерасына түсіп қалған. Ол көлігіне жанармай құйып жатқан әйелдің сөмкесін оп-оңай алып үлгергенімен, сасқалақтығының кесірінен өзін-өзі ұстап береді.

Затты ала салып, мопедімен қаша жөнелген адамды сол маңда тұрған бір қызметкер байқап қалып, тұра ұмтылғанда, ұры көлігін басқара алмай, қарсы алдындағы қоршауға соғылады.

Мопедтен жығылып, тұра алмай жатқан ұрыға осы кезде сөмкенің иесі де жетіп үлгереді.

https://www.youtube.com/watch?v=sUzNEWqrJag&feature=youtu.be