Алтыншы алтынды алдық

02 ақпан 2017, 17:02

Алматыда өтіп жатқан Дүниежүзілік 28-ші қысқы Универсиада ойындарының төртінші жарыс күні қоржынға бірден төрт алтын түсті. Төртінші алтынды шаңғышы Иван Люфт жеңіп алды, деп хабарлайды Baq.kz.

Шаңғышылар арасындағы классикалық стильдегі жекелей жарыста Қазақстан намысын үш спортшы қорғады. Олар – Олжас Климин, Александр Малышев және Иван Люфт. Біздің жігіттерге ресейлік Владимир Фролов, Юрий Гаврилов және Егор Березин қарсылас атанды.

Жарыс қорытындысы бойынша бас жүлде Иван Люфтке бұйырды. Күміс ресейлік Фроловтың еншісінде кетті. Қола жүлдені де ресейлік Егор Березин жеңіп алды. Ал біздің Климин мен Малышев бесінші-алтыншы орындарды бөлісті.