Ауыл зейнеткерінде 50 млрд теңге бар (видео)

17 қараша 2016, 15:00

Оңтүстік Қазақстан облысының әкімі Жансейіт Түймебаев «Нұр Отан» партиясының облыстық филиалында қоғамдық қабылдау өткізді. Кездесуде тұрғындар облыс әкіміне өндіріс және әлеуметтік қолдау, құрылыс, электр энергетикасы, инвестиция тарту, сонымен қатар, ұлттық спорт түрлері сынды бірқатар салалар бойынша өтініштері мен ұсыныстарын жеткізді.

398403

Жиын барысында Бәйдібек ауданы Ақтас ауылының тұрғыны, зейнеткер Байбек Шымырбеков өз қалтасынан облысқа 50 млрд теңге құюға ниетті екенін жеткізді. Бұл Жансейіт Түймебаевты қатты таң қалдырды деп хабарлайды Шымкенттегі ТВК телеарнасы.

Бейнежазбада әкім мен зейнеткер арасындағы әңгіме былай өрбіген:- 50 миллард сіздің ақша ма?

— Иә (сәл үнсіздік — ред.).

— Қайдан… Сізді біз бұрыннан білмейміз…

— Бірінші қазір… Федералдық қызметтен (нақты қандай қызмет екені түсініксіз — ред.) 200 миллиардқа дейін ақша өткізуге келісім алдым.

— Онда Сізге бүкіл облыс риза болады ғой.

— Қазақстан де. 10 миллиардты Бауыржан Байбекке бердім.

https://www.youtube.com/watch?time_continue=11&v=n61uU_J8kFo

caravan.kz