Шын көңілмен алғыс айтты

Бүгін Астана қаласындағы Достық үйінде Алғыс айту күніне арналған салтанатты шара  өтті.

Мақсат — әртүрлі салада адал қызмет етіп, елдің дамуына өз үлесін қосып жүрген, сондай-ақ өз  азаматтық ұстанымдарын танытып, қоғамда белсенді болып жүрген  қазақстандықтарға  алғыс айту.

Іс-шараға еліміздің барлық өңірлерінен 40-қа жуық Достық үйлері онлайн форматта қосылып, барлығы 400-ден астам адам қатысты.

Ақпарат және қоғамдық даму министрі Дархан Қыдырәлі өз құттықтауында ел  дамуына, бірлік пен келісімді нығайтуға үлес қосып жүрген барша қазақстандықтарға, оның ішінде құтқарушыларға, өрт сөндірушілерге, құқық қорғау органдарының қызметкерлеріне, дәрігерлерге, мұғалімдер, меценаттарға және волонтерлерге үлкен алғыс айтты.

Jq-Аqparat