Алматыда қызды тонаған жігіт іздестірілуде (Видео)

04 маусым 2021, 16:59

Алматыда көшенің ортасында қызды тонап кеткен ер адам видеоға түсіп қалды, деп хабарлайды ҚазАқпарат.

Видео Instagram-да пайда болды.

«Бүгін таңертең сағат 9:31-де Айвазовский көшесіндегі жеке секторда бір қызды тонап кетті», — деп жазды желі қолданушы. Алматы қалалық полиция департаментінің баспасөз қызметі мәлім еткендей, бұл факт сотқа дейінгі тергеудің бірыңғай реестріне ҚР Қылмыстық кодексінің 191-ші бабы бойынша тіркелді. «Қылмыс бүгін таңертең жеке секторда болды. Жедел — тергеу тобы құрылды. Қазіргі уақытта күдіктінің жеке басын анықтауға және оны ұстауға бағытталған жедел іс-шаралар кешені жүргізілуде. Сонымен қатар бейнебақылау камераларынан алынған мәліметтер мұқият зерттеледі», — деді Алмалы аудандық полиция басқармасының бастығы Есен Ысқақов.