33 градусқа дейін күн суытады

17 ақпан 2021, 11:56

Мамандар елімізде ауа температурасының күрт төмендеуін болжап отыр.

«Қазгидромет» РМК мәліметтері бойынша,18-19 ақпанда Оңтүстік Каспий циклоны Қазақстандағы ауа-райына ықпал етеді.

Республикамыздың басым бөлігінде қар аралас жаңбыр жауады, ал солтүстік өңірлерде боран ұйытқып, қар жауады деп күтіледі. 19 ақпаннан бастап, республикамыздың басым бөлігінде антициклонның келіп жетуіне байланысты ауа температурасы айтарлықтай төмендейді деп күтіледі. Республикамыздың солтүстік бөлігінде түнде -15-33 ℃, оңтүстікте -5 ℃, кей жерлерде-10-15 ℃ дейін сынап бағаны төмендейді, деп атап өтті синоптиктер.

Республикамыздың кей аймақтарында тұман түсіп, көктайғақ болады, желдің күшеюі байқалады.