Ақтауда жасөспірімдер төбелесті (видео)

16 қараша 2020, 14:03

Ақтауда жасөспірімдердің төбелесі видеоға түсіп қалды.

Куәгерлердің айтуынша, 15 қарашада сағат 16.00 шамасында №22 үйдің маңында бір топ жасөспірім арасында жанжал шыққан. Кейін кейбірі кетіп қалған, ал қалғандары төбелес шығарған. Куәгерлер төбелес кезінде атыс шыққанын айтады.
Алайда полициядағылар атыс болды деген мәліметті жоққа шығарды. «Оқиға орнына қалалық полиция басқармасының полиция қызметкерлері барды. Төбелеске қатысушылардың аты-жөні анықталды, жасөспірімдермен және олардың ата-аналарымен профилактикалық әңгіме жүргізілді. Іс материалдары Ақтау әкімдігі жанындағы кәмелетке толмағандардың құқықтарын қорғау жөніндегі комиссияға жіберіледі», — деді полициядағылар.