7 миллион теңгені жоғалтып, алты сағатта қайтарды

Астана тұрғыны 3 ақпанда бір қыруар ақшасынан айрыла жаздады.
Ішінде 4 млн теңге мен 6 мың доллары бар сөмкесі Алматы-Орал пойызында қалып кеткенін ол Есіл станциясынан түсіп, үйге барғанда бір-ақ білген. Содан ол дереу полицияға хабарласады.
Көлік полициясы қызметкерлері алты сағаттың ішінде сөмкені тауып, иесіне қайтарды.
Ақша иесінің алғысында шек жоқ. «Олар жылдам әрекет етті. Пойыз жетекшісімен байланысқа шығып, сөмкені тез тауып алды. Алты сағаттан кейін құжаттарым мен ақшамды өзіме әкеп берді. Көмек көрсеткен полицейлерге ризамын», — дейді ол.

JQ-Aqparat