67 жылдан соң алғаш рет

Сауд Арабиясы кейбір тауар түрлеріне 5 пайыз мөлшерінде қосымша құн салығын енгізбекші. Түркиядағы интернет басылымдарының AFP агенттігіне сүйене отырып, таратқан ақпаратында мұндай шешім қабылдауға мұнай бағасының құлдырауы ықпал еткені айтылды. Ғаламдық нарыққа «қара алтынды» ең көп жөнелтетін бұл ел өткен жылы Шығанақ елдері ынтымақтастығы кеңесімен тауардың белгілі бір түрлеріне салық төлеу жүйесін енгізу жөнінде уағдаласты.  Айта кеткен жөн, үкімет салық төлеуді міндеттейтін жүйеге 67 жылдан соң қайта оралды.

Хабарда өткен Сауд Арабиясы бюджетінің тапшылығы былтыр 97 млрд долларға жеткені атап өтілді.