5 жасар қызды көршісі пышақтап тастады

Павлодар облысында 5 жасар бүлдіршінді араққа сылқия тойып алған көршісі пышақтап тастады.
Оқиға мамырдың 6-күні Щербактинский ауданына Маралды бекетінде болған. Ащы суды аямай сілтеген ер азамат 5 жасар қызды және оның 7 жастағы ағасын да жарқаттаған. Ол травматология бөлімінде емделуде.

«Қыз баланың денесінде 5 пышақ жарақаты болды. Оның екеуі жыныстық органын тілгілеуден алған жарақат. Бүлдіршіндерді бізге ауылдық фельдшер мен полицейлер жеткізді. Келген кезде жағдайы орташа ауыр еді. Екеуі де қатты қорқып қалған. Дәрігерлер жарақаттанған дене терілерін қайта тігіп, алғашқы көмек көрсетілді. Қатты шошып қалған. Қазір олармен балалар психологтары жұмыс жасап жатыр. Жараның орны жазылса осы аптаның соңы немесе келер аптада үйлеріне қайтарамыз», — дейді Павлодар облыстық балалар ауруханасының бас дәрігерінің емдеу ісі жөніндегі орынбасары Гүлсара Тампишева.

Аталған іске қатысты, Павлодар облыстық Ішкі істер департамерті Қылмыстық кодекстің 106 бабы бойынша іс қозғап, тергеу амалдары жүргізілуде.

ІІД баспасөз жетекшісі Баян Мағзұмованың хабарлауынша балалар жазылып шыққан соң үйлеріне емес, бейімдеу орталығына аттанады.

«6 мамыр күні балалардың анасы және көршісі мен 1989 жылғы, аздап психикалық ауруға шалдыққан еразамат арақ ішкен. Аздап масайған соң үшеуара сөзге келісіп, жанжал шығады. Сол сәтте 1989 жылғы жігіт дастарханда тұрған пышақты алып әйелдерге сілтеген. Айғай-шуды естіген балалар үйге жүгіріп кіріп, абайсызда пышаққа ілініп отыр. Осы оқиғадан соң жігіт психдиспансерге жатқызылды. Ал, арақ ішкен ананың да мәселесі қаралып жатыр. Сот оны ата-ана құқығынан айыруы мүмкін», — деді.

NUR.KZ