5 тонна заңсыз темекі тәркіленді

17 қантар 2017, 12:15

Қазақстан-Ресей шекарасында қазақстандық азамат 5 тонна темекі өнімін алып өтпекші болған. Шекарашылардың қырағылығының арқасында қылмыскердің әрекеті іске аспады, деп хабарлайды BAQ.kz ҰҚК баспасөз қызметіне сілтеме жасап.

«Қазақстан – Ресей мемлекеттік шекарасында орналасқан «Қарақоға» бақылау-өткізу бекетінің шекара наряды шекаралық тексеру барысында 1983 жылы туылған қазақстандық азаматты ұстауға мәжбүр болды» — делінген хабарламада.

Оның елімізден алып өтуге тырысқан 5 тонна «Fast» атты темекі өнімдері заңсыз болып шықты.

Аталған дерек бойынша материалдар Солтүстік Қазақстан облысының Мемлекеттік кіріс департаментіне берілді. Қазір арнайы құқық қорғаушылар тексеріп жатыр.