4 тонна насыбаймен ұсталды (Видео)

15 наурыз 2023, 16:12

Ірі көлемде насыбайды солтүстік көршіге апара жатқандар шекарада ұсталды. Тыңайтқыш дайындау үшін пайдаланылатын тауық саңғырығы мен ағаш күлі тиелген жүк көлігінен ірі көлемде насыбай табылды.

Mash Телеграм каналы хабарлағандай, Ресей кеденшілері шекарада жалпы салмағы 4 тонна жасыл ұнтақты тәркілеген. Хабарда көліктің қай елге тиесілі екені айтылмады.
Ақпарат құралдары өткен аптада орыс кеденшілерінің шекарада «қара базардағы» бағасы 25 млн рубльге жететін 17 тонна насыбай тәркіленгенін хабарлап еді. Тексеру кезінде жүкке қатысты құжаттың қырғыз елінде рәсімделгені анықталған.

JQ-Ақпарат