35 мың шөлмек алкоголь тәркіленді

Қарағңанды обылысының күштік құрылымдары контрафактілік алкогольдің 35 мыңнан астам шөлмегін тәркіледі деп хабарлайды JQ-Aqparat Polisia.kz-ке сілтеме жасап.

Қарағанды облыстық полиция департаментіне қарасты ұйымдасқан қылмысқа қарсы күрес басқармасының қызметкерлері және облыстық экономикалық тергеу департаментінің қызметкерлері жүргізген арнайы операция барысында 35 мыңнан астам шөлмекке құйылған контрафактілік алкоголь тәркілеген.

«Полицейлерге белгілі бір азаматтар облыс аумағында акциздік маркалармен алкоголь өнімінің есепке алу-бақылау маркаларын пайдалану арқылы заңсыз ішімдік өнімдерін сатумен айналысып жатқаны туралы ақпарат түсті. Тәртіп сақшылары арнайы мақсаттағы жасақ және экономикалық тергеу департаменті қызметкерлерімен бірлесіп, қаладағы екі мекенжайда тінту жұмысарын жүргізді. Жүргізілген кешенді тінту жұмыстары барысында сараптама мамандарының алдын ала қорытындысына сәйкес 35 мыңнан астам шөлмек жалған есепке алу-бақылау таңбаларымен контрафактілі алкогольдік өнім тәркіленді. Әр рулонда 1000 жапсырмадан тұратын жеті рулон жапсырылатын акциздік маркалар тәркіленді. Жеті күдікті анықталды. Оның ішінде 28 бен 57 жас аралығындағы бес азамат және 30 бен 59 жас аралығындағы екі әйел бар. Аталған дерек бойынша Қазақстан Республикасы қылмыстық кодексінің 233-бабына сәйкес қылмыстық іс қозғалғанын» мәлім етті Polisia.kz.