3 жасар баланың өлі денесі табылды

Алматы облысында 3 күн бұрын тауда адасып кеткен 3 жасар бала өлі күйінде табылды, деп хабарлайды аймақтық ІІД-нің баспасөз қызметі.

Ондағы мәлімет бойынша 31 шілде күні 38 жастағы әйел полицияға хабарласып, Шалкөде ауылында 3 жасар баласының жоғалып кеткенін айтқан болатын.

«Ауыл тұрғындары мен құтқарушылардың ат салысуымен жедел іздестіру шарасы ұйымдастырылды. Күні-түні іздеу шарасы еш нәтиже бермеді. Тек 1 тамыз күні ауылдан 25 шақырым қашықтықта өзен жағасынан баланың денесі табылды», – делінген хабарламада.

Баланың денесінде зорлық белгілері байқалмаған. Қазір полицейлер сараптама нәтижесіне сәйкес тексеріс жүргізіп жатыр.

stan.kz