2 мың әйел, 38 бала абақтыға қамалған

Қазақстан  аумағында екі мыңнан аса әйел темір тордың ар жағында отыр.
ҚР Ішкі істер министрлігінің баспасөз қызметі 2017 жылдың басындағы статистиканы жария етті. «2017 жылдың 1 қаңтарындағы жағдай бойынша, қылмыстық атқару жүйесінің түзеу мекемелерінде отыз мыңға жуық сотталған адам жазасын өтеп жатыр», — деп хабарлады ІІМ баспасөз қызметі.
Ведомствоның мәліметіне сүйенсек, отыз мыңға тарта адамның арасында 38 жасөспірім бала бар екен.
«Оның ішінде, 27 744-і — ер адам, 2 185-і — әйел адам және кәмілетке толмаған 38 жасөспірім бар», — деп хабарлап отыр ведомство.