18 секундта қабылдау аяқталды

06 ақпан 2023, 13:12

Жұртты дүрліктірген 4 пайыздық автонесиеге өтінім қабылдау 18 секундта толып кеткен. autonesie.kz сайтына 1 минутта 125 мың адам кіріп, өтінім беруге ұмтылған. «Өнеркәсіпті дамыту қоры» баспасөз қызметі 4 пайыздық автонесие рәсімдеуге бір минутта осында адам ықылас танытқанын айтты.

761 адамнан ғана өтінім қабылдаған платформа схемасына наразылардың саны артты. Расында да 20 миллион халқы бар елде 761 бір адамды «іріктеп-сұрыптап алуға» бар-жоғы 18 секунд уақыт жеткілікті болды. Арнайы ашылған сайтқа анталай ұмтылғандардың көпшілігі автомобиль өндірушілерін таңдауда бас қатырып жатқанда лимит толып кетіп «өтінім беру» функциясы тоқтатылған.

JQ-Aqparat