Зүлфия Чиншанло спорттан шеттетілді

22 желтоқсан 2023, 11:41

Отандық ауыр атлет Зүлфия Чиншанло допингке қарсы ережелерді қайта бұзғаны үшін сегіз жылға спорттан шеттетілді.
Sportarena.kz хабарлағандай, 2022 жылдың соңында жарыс кезінен бөлек өтетін міндетті допинг бақылау кезінде спортшының сынамасынан тыйым салынған препарат анықталған.
Зүлфия осымен екінші рет допинг дауына ілігіп отыр. 7 жыл бұрын ХОК WADA көмегі арқылы оның допинг қолданғаны анықталған еді. Соның кесірінен Чиншанло Лондон Олимпиадасының чемпионы атағынын айырылып, 2016-2018 жылдары барлық санаттағы жарысқа қатысу құқығынан шеттетілді.
Ал спорттан шеттету мерзімі аяқталғаннан кейін ол 2021 жылғы Токиодағы олимпиадада 55 келі салмақта қола жүлдені еншіледі.

JQ-Aqparat