Зират маңынан адам сүйегі салынған пакет табылды

25 сәуiр 2023, 16:24

Көкшетауда ескі зират аумағында адам сүйектері салынған пакет табылды. Бұл туралы Ақмола облыстық полиция департаментінің баспасөз қызметі мәлім етті.
24 сәуір күні Көкшетау қалалық полиция басқармасына жергілікті тұрғын хабарласып, «Бармашино» шағын ауданындағы аллея маңында, ескі зират аумағында адамның сүйектері және бас сүйегінің сынықтары салынған пакет табылғанын жеткізген. Адам сүйектері салынған пакетті тұрғындар зират аумағын тазартып жүргенде кезіктіріпті. «Шақырту орнына жедел-тергеу тобы барды. Тексеру кезінде сүйек қалдықтары табылды. Сот-медициналық сараптама тағайындалды, соның қорытындысы бойынша түпкілікті процессуалдық шешім қабылданады», — деп мәлімдеді Ақмола облыстық полиция департаментінің баспасөз қызметі.

JQ-Aqparat