Жүргізуші куәлігі енді сынақ мерзімінен өткен соң берілуі мүмкін (Видео)

Елімізде жүргізуші куәлігі берілгенге дейін сынақ мерзімі енгізілуі мүмкін. Ішкі істер министрлігі шетелдік тәжірибелерді зерттеп, жүргізуші куәлігін сынақ мерзімінен кейін беру тәжірибесін қарастырып жатыр. Бұл туралы КТК телеарнасы хабарлады.

Финляндияда жүргізуші куәлігі екі жылдық сынақ мерзімінен және бірқатар емтиханнан өткеннен соң бір-ақ беріледі екен. Мақсат — жол-көлік оқиғаларындағы өлім-жітімді азайтып, көлік жүргізу мәдениетін қалыптастыру. Еліміздегі соңғы мәлімет көңіл көншітпейді. Бір ғана Жезқазған қаласында жылдамдықты шектен асыру әлемдік орташа көрсеткіштен 2,6 есеге жоғары, ал белдік тақпай көлік тізгіндегендердің үлесі 8 жарым есеге артық. «Жол апатының алдын алуға бағытталған шаралар 2024-2028 жылдарға арналған тұжырымдамаға негізделетін болады» делінген ішкі істер министрлігінің мәлімдемесінде.