«Жүрген-тұрғанымды аңдып бітті». Елдос Сметов анасын сынағандарға жауап берді (Видео)

11 тамыз 2024, 15:50

Дзюдодан Париж Олимпиадасының чемпионы Елдос Сметов анасына байланысты өзін сынағандарға жауап берді, деп жазды Azattyq-ruhy сайты.

Дзюдошы бұл жөнінде Жамбыл облысының Өңірлік комуникациялары қызметіне берген сұхбатында айтты.

«Әлеуметтік желіні қарамайын десем де, қарап қоямын. Қазір Олимпиада чемпионы болдым, енді осыдан кейін ешнәрсе жазбайтын шығар деп ойлап едім. Бірақ тоқтайтын емес, әлі де жазып жатыр. Менің жүріс-тұрысым, келіншегім алда келе жатыр ма, артта келе жатыр ма, жанында анасы келе жатыр ма, әлде басқасы. Енді мен қалай шығайын, не қалай шықпайын, ол менің қуанышым!» – дейді ол.