Жылу маусымына дайындық: мәселе әлі көп

Үкімет басшысы Әлихан Смайылов орталық мемлекеттік органдар мен облыс әкімдіктері басшыларының қатысуымен алдағы жылу беру маусымына дайындық мәселелерін талқылап, кеңңес өткізді.
Кеңеске қатысушыларға Ә.Смайылов алдағы жылу маусымына дайындық жұмыстарының барысында өзекті проблемалар шаш етектен екенін айтты.
«Мұны біз жақында өткен Үкімет отырысында талқыладық. Дегенмен өзара үйлесімді, бірлескен іс-қимылды бұдан да күшейту қажет. Сондықтан осы жұмыстардың барлығын тағы да мұқият қарап, тікелей шешім қабылдаймыз. Атап айтқанда, ЖЭО және желілер иелерімен тікелей, тығыз жұмыс жасау маңызды. Мемлекет тарапынан станциялардың өтінімдеріне сәйкес тарифтер бекітілді. Бұл қаржыландыруды тартуға және жаңғырту жұмыстарын бастауға мүмкіндік береді», – деген Әлихан Смайылов Премьер-Министрдің бірінші орынбасары Роман Склярға және энергетика министрі Алмасадам Сәтқалиевқа жұмыстардың қарқынын тексеру мақсатында энергетикалық нысандарды аралап шығуды жүктеді.

JQ-Aqparat