Журналистер жұмыссыз қалуы мүмкін…

20 қантар 2017, 16:16

Қытайда робот-журналист алғашқы мақаласын бір секундтың ішінде жазып шықты. Сяо Нянь деген Робот-тілші жергілікті басылымдардың бірінде өзінің алғашқы материалын жариялапты. Бұл туралы China News агенттігі хабарлады.

Мақала 300 иероглифтен тұрады екен. Материалда робот-тілші Қытайдағы Жаңа жыл қарсаңындағы жолаушылар легі туралы әңгімелейді.

Роботты құрастырушы Пекин университетінің профессоры Вань Сяоцзюннің айтуынша, темір-журналист қысқа мәтіндерді ғана емес, сол сияқты көлемді материалдарды да жазуға қабілетті көрінеді. Оның тағы бір артықшылығы – журналистер сияқты сараптамалық материалдарды да қысқа мерзімде әзірлей алуында дейді құрастырушы.

Бірақ робот-тілші қазіргі БАҚ өкілдерін толықтай алмастыра алмайды екен. Яғни, ол адамдардан жеке сұқбат алып, «ақпарат бұрышын» да таңдай алмайтын көрінеді.

baq.kz