Жолдағы жүгенсіздік. Шымкентте ережені өрескел бұзғандар жауапқа тартылды (Видео)

06 қараша 2023, 10:15

Шымкентте кортеж қатысушылары жол ережесін өрескел бұзғаны үшін көлік жүргізу құқығынан айырылды, – деп хабарлайды Polisia.kz. Мегаполис көшелерінің бірінде болған “форсаж қойылымын” ПД-ның жедел басқару орталығының бейнебақылау камералары түсіріп алған. Автожолдағы жастардың қауіпті көңіл көтеруін ЖБО инспекторларының нұсқауымен келген патрульдік полицейлер тоқтатты. Қарсы жолаққа шыққаны үшін 18 және 19 жастағы үш жүргізушіге қатысты ҚР ӘҚБтК-нің 596-бабы 3-бөлігі бойынша әкімшілік хаттама толтырылды. Осылайша, автожолдағы мақтанудың соңы олар үшін алты айға көлік басқару құқығынан айырылумен аяқталды.