Жолаушы қылқындырған автобус жүргізушісі жанайқайын жеткізді (Видео)

22 желтоқсанда Алматыда автобус жүргізушісін қылқындырған қаскөйдің кесірінен ірі апат болып, үш адам қаза тапқанын жазған едік. Бүгін әлеуметтік желіде автобус жүргізушісіне қатысты қылмыстық іс қозғалғаны туралы ақпарат тарады. Автобус жүргізушісі:
«Ең алдымен қаза болған адамдардың отбасына көңіл айтамын.
Менің тарапымнан ешқандай зұлым ниет болған жоқ. Мұндай жағдайды жауыңа да тілемейсің. Өзімді кінәлі санамаймын. Ауруханада жатқанда екі анықтаушы — бір еркек пен әйел адам келіп, менің жәбірленуші екенімді айтқан болатын. Енді ауруханадан шыққан соң менің үстімнен ауыр баппен іс қозғалғанын білдім. Баспана жалдап тұрамын, екі балам бар. Солар үшін аянбай еңбек еттім, маған қатысты ешқандай шағым айтылған емес.
Неліктен маған мұндай ауыр айып тағылды?

Егер мені ұрмағанда, апат болмайтын еді. Әділетті шешім қабылданады деп үміттенемін», — деп жанайқайын білдірді.

 

Посмотреть эту публикацию в Instagram

 

Публикация от JAS QAZAQ (@jasqazaqkz)

JQ-Aqparat