Жол ережесін бұзғандар айыппұлды қай кезде төлемейді?

Алматыда қазан айында, яғни екі ай бұрын жол ережесін бұзған көлік жүргізушілеріне айыппұл келе бастады, деп хабарлайды jasqazaq.kz.

Бұған қатысты Алматы қаласы полиция департаментінің ресми өкілі Салтанат Әзірбек мынадай түсініктеме берді: «Жыл басынан бері автоматты тіркеу жүйесі Алматы жолдарында 3,8 миллион жол қозғалысы ережесін бұзу дерегін анықтады. Сонымен қатар, ӘҚбК-нің нормаларына сәйкес, әкімшілік іс қозғаудың ескіру мерзімі құқық бұзушылық жасалған күннен бастап екі ай болатынын атап өтеміз. Осылайша, егер адамға 2 ай ішінде айыппұлдың бар екендігі туралы хабарланса, айыппұлды төлеу қажеттілігі туралы алынған бұйрық міндетті түрде орындалуы қажет».

Көлік иесіне көрсетілген мерзім өткеннен кейін камераға түсірілген айыппұл туралы хабарлама келсе, Алматы қалалық ПД-не шағымдануға құқылы.

JQ-Aqparat

Фото: Алматы ақшамы