Жоғалып кеткен 5 жасар бала кәріз құдығынан табылды

20 қыркүйек 2023, 15:10

Атырау облысының Исатай ауданында бес жасар бала кәріз құдығына түсіп кеткен. Оны таба алмаған ата-анасы аудандық полиция бөліміне жүгінген.

Атырау облыстық полицей департаментінің баспасөз қызметінен мәлім еткендей, бес жасар бала кеше, 19 қыркүйекте жоғалып кеткен.

«Аққыстау ауылының тұрғыны жергілікті уақытпен сағат 17:48 шамасында аудандық полиция бөліміне жүгініп, 20 минут бұрын 5 жасар ұлының жоғалып кеткені туралы хабар берді. Тәртіп сақшылары жедел іздестіру жұмыстарын жүргізді. Сол кезде баланың дауысы тұрғын үй ауласындағы кәріз құдығынан шыққан. Кәріз құдығына түсіп кеткен 5 жасар аман-есен шығарылды», -деп хабарлады департаменттің баспасөз қызметі.

Жергілікті дәрігерлер балақайға жан-жақты тексеру жүргізді.

JQ-Aqparat