Жігер Ауыпбаев денсаулығы жайында өзі айтып берді (видео)

13 сәуiр 2017, 21:49

Дертіне дауа іздеп Түркияға аттанған әнші Жігер Ауыпбаев денсаулығы үшін алаңдаған тыңдармандарына алғыс айтып, видео-үндеу жолдады. Бұл туралы Stan.kz хабарлайды.

Жігер өзінің Ыстанбұлдағы клиникалардың бірінде жатқанын растады. Ол анализ сараптамаларының жақсы нәтиже көрсеткенін, ешқандай ота жасалмайтынын мәлімдеді.

«Құрметті менің сүйікті тыңдармандарым, менің денсаулығым үшін алаңдап, дұға-тілектерін арнап жатқан ақ жүрек жандар. Баршаларыңызға алғысым шексіз, Жаратқан шаңырақтарыңызға иман нұрын, берекесін құйсын. Осы Ыстанбұл қаласындағы клиникаға келіп, қаалып Аллаға шүкір, жақсы нәтижелер шығарып жатыр. Еш уайымдамаңыздар. Ота ештеңе жасалмайды. Өкінішке орай, БАҚ өкілдері арқылы атын естісе ел шошитын ақпараттар тарап кеткен екен. Ондай қорқатындай жағдай емес. Еш уайымдамаңыздар. Бәрі жақсы, дін аманбыз. Рахмет сіздерге», – дейді Жігер.