Жетісу облысының әкімі «Бухгалтерлер ісіне» түсінік берді

Жетісу облысының әкімі Бейбіт Исабаев аса ірі көлемде бюджет қаражатын жымқырды деген күдікке ілінген Талдықорған қалалық білім бөлімінің қызметкерлеріне қатысты іске түсініктеме берді.
Орталық коммуникациялар қызметінде өткен брифингіде облыс басшысы: «Халық бұл істі «Бухгалтерлер ісі» деп айтып жүр. Шынымды айтсам, мен қалалық білім беру саласындағы жемқорлық қылмысымен байланысты әрекеттердің бар екені туралы ақпаратты былтыр желтоқсанның соңына дейін естідім. Мен құқық қорғау органдарына оларға қатысты күдіктің бар екенін білдірмей, кәсіби түрде тексеру жүргізуді тапсырдым. Нәтижесінде осындай қылмыстарға байланысы бар ірі топ анықталды. Сот шешімі шыққанға дейін бұл адамдарды қалай атау керектігін білмеймін. Бірақ олар заңды бұзды, 2 млрд теңге шығын келді. Басшы, бас бухгалтер, бас экономист және Талдықорған қаласындағы 6 мектептің бухгалтері ұсталды. Олардың барлығы кінәсін мойындап жатыр», — деді.

JQ-Aqparat