Жетісу облысында алаяқтық жасаған әйел 7 жылға сотталды

Жетісу облысында бір әйел алаяқтық жасағаны үшін 7 жылға бас бостандығынан айрылды.

Бас прокуратураның баспасөз қызметі хабарлағандай, ол 2 екі жыл бойы өзін банк қызметкері ретінде таныстырған. Жұрттың сеніміне әбден кіріп, оларға ауыл шаруашылығын дамытудың мемлекеттік бағдарламасы бойынша несие алуға және тегін субсидия алуға көмегін ұсынған.
13 адам алаяқтың құрбаны болды, оның келтірген шығыны 12 миллион теңгеден асты.
Жетісу облысы прокуратурасы азаматтарды қырағы болуға, гранттар, субсидиялар немесе несиелер алған кезде орын алған мұндай жағдайлар туралы хабарлауға шақырды.

JQ-Aqparat