Оқу-ағарту министрлігі жемқорлардан тәркіленген қаражатқа биыл салынатын мектептердің тізімін жариялады. Құжатта 62 жобаның тізімі берілген. Өңірлер бөлінісінде Астана қаласы мен Алматы облысында жемқорлардан өндірілген қаражат есебінен салынатын немесе кеңейтілетін мектептердің саны өзгелерден бірнеше есе басым. Алматыда 10, Астана қаласында 10 мектептің жобасы жоспарланған. Одан кейінгі орында 9 жобамен Түркістан облысы тұр. Биыл жемқорлардан түскен қаражат есебінен 96 млрд 495 млн теңгенің 62 жобасы іске асырылмақ. Оның ішінде ескірген мектептің орнына жаңа мектеп салу, жаңадан мектеп салу және орын тапшылығы бар білім мекемесіне қосымша ғимарат салу жобалары бар. Мектептер тізімін және әрқайсысына қанша қаражат бөлу жоспарланғаны жария етілді. Президент Қ.Тоқаев былтыр халыққа Жолдауында жемқорлардың заңсыз тапқан қаржысы олар сотталған соң мемлекетке өтіп, түгелдей мектеп құрылысына жұмсау қажеттігін айтқан болатын.
JQ-Aqparat
WhatsApp: +7 705 717 9113
