Желіде Ұзынағашта қаза тапқан Қадылбек Әлімханұлы орындаған ән жарияланды (Видео)

27 қыркүйек 2016, 0:30

snimok

YouTube сайтында Ұзынағашта қаскөйлердің қолынан қаза тапқан үш ағайынды жігіттің бірі — Қадылбек Әлімханұлының орындаған әні жарияланды.
Еске сала кетейік, өткен жексенбі, яғни 18 қыркүйек күні, Ұзынағаш базарында мал сатумен айналысқан үш жігіттің жоғалып кеткендігі хабарланған.

1979 жылы туған Долданұлы Жарқынбек, 1973 жылғы Зарлыханұлы Мұқият пен Әлімхан Қадылбек есімді жігіттер қылмыскерлер қолынан қаза тапты.

Қазаға ұшыраған азаматтардың жақындары бүгін Сот сараптамалық орталығынан үш мәйітті Алматы облысы Көксу ауданына алып кетті.

24 қыркүйекте Алматы облыстық Ішкі істер департаментінің баспасөз қызметі із-түзсіз жоғалған үш ағайындының өліміне қатысты күдіктілер ұсталғанын хабарлады.

«Облыстық ІІД басшысының бірінші орынбасары подполковник Нұрлан Мәсімов басшылық еткен іздеу шараларына аудандық және аймақтық полицейлер де жұмылдырылды. Жоғалғандарды өлтірді деген күдікпен Жамбыл ауданының екі азаматы ұсталды. Жәбірленушілердің денелері табылды. ҚР ҚК 99-бабы, 2-бөлімі бойынша (Кісі өлтіру) қылмыстық іс қозғалды», — делінген баспасөз қызметінің хабарында.

Кісі өлтіру фактісі бойынша тергеу жұмыстары Алматы облыстық Ішкі істер департаменті басшылығының қатаң бақылауына алынған.

https://www.youtube.com/watch?v=E4tr4_KeRk8

ҚазАқпарат