Жазира Байырбекова: Қыздар, әке-шешені қинап той жасатқанша, «қашып» кетіңдер…

Әнші ата-анасын қинап той жасататындарға қарсы екендігін білдіріп, қыздарға өз ойын жеткізді.

«Қыздар егер сіздердің ата-аналарыңыз бір ғана айлыққа қарап отырған немесе сатушы болса, соңғы ақшаларын жұмсап, әнші шақырамын десе, келіспеңіздер. Жәй ғана әншінің әнін қойып-ақ ұзатылсаңыз болады. Ата-аңаңыздың той жасауға мүмкіндігі болмаса, қашып кетсеңіз болады», — деді әнші. Қарапайым адамдардың тойына барсам, ақша алуға да қымсынатынын жеткізді.
«Мейрамхана сыртында қарапайым көліктер тұрса, қалай ақша аламын. Ақшаның жартысын тастап кететін кездерім болады», — деді.
Қыз ұзатудың қаншалықты қиын болатынын, ал тұсаукесер, бесік той жеңіл екен тілге тиек етті.
«Менің ұзатуым болған жоқ, сіздерге «қашып кетіңіз» деп айтып отырым сондықтан. Біздің кезімде қыз ұзату той деген болмайтын, қызды үйден шығарып салатын. «Елу жылда – ел жаңа» дегендей бәрі өзгеріп жатыр. Қыз ұзату деген салт-дәстүр емес жәй ғана әдеміліктен туған ой», — деді әнші.

JQ-Aqparat